Հավաքական բեռնափոխադրում- պետք է ստանալ, ուղարկել, առաքել փոքր փաթե՞թ, շատ տեղ չզբաղեցնող ապրա՞նք։ Հավաքական բեռնափոխադրում նախընտրելը ամենաճիշտ լուծումն է։ Ինչու՞։
Նախ հասկանանք՝ ինչ է հավաքական բեռնափոխադրումը։ Հավաքական բեռնափոխադրման միջազգային անվանումն է Less than Truck Load(LTL)։
Հավաքական բեռնափոխադրումը միավորում է մի քանի ընկերությունների առաքումները` հնարավորություն տալով կիսել տարածքի և տրանսպորտի ծախսերը: Նույն երթուղով մի քանի առաքումների պատվերներ ունենալով՝ մեքենաները ժամանակ առ ժամանակ կանգ են առնում ՝ բեռնաթափելու առաքվող ապրանքները։
Այսպիսով, բեռնափոխադրող ընկերությունները փոխադրամիջոցի ամբողջ ծավալը լրացնելու համար առաջարկում են բեռների համախմբված առաքում։ Հետևաբար, հավաքական բեռնափոխադրում նախընտրելով ընտրում եք բեռի փոխադրում այլ բեռների հետ միասին։ Հավաքական բեռնափոխադրումը իդեալական է փոքր և միջին ընկերությունների համար, որոնք պետք է ուղարկեն 45 կիլոգրամից մինչև 5․5 տոննա քաշ ունեցող ապրանքներ, փաթեթներ, ծանրոցներ։
Հավաքական բեռնափոխադումն այսօր ամբողջ աշխարհում աճի և ընդլայնման փուլում է։ Թերևս սրա պատճառը գլոբալիզացված գնումներ են, երբ աշխարհի ցանկացած կետից՝ անգամ տանը նստած, հնարավոր է գնել ցանկացած ապրանք, որն էլ վաճառող ընկերությունը պետք է փոխանցի գնորդին։ Հետևաբար, ամբողջ աշխարհում օն լայն գնումները հավաքական բեռնափոխադրում իրականացնելու շարժիչ ուժերից են։

Հավաքական բեռնափոխադրումն ունի ակնհայտ առավելություններ։
Հավաքական բեռնափոխադրում նախընտրելու ամենակարևոր պատճառներից է գնագոյացման կառուցվածքը։ Հավաքական բեռնափոխարման դեպքում դուք վճարում եք Ձեր զբաղեցրած տարածքի համար և ոչ թե ամբողջ ծավալի: Հավաքական բեռնափոխադրում նախընտրելով հնարավոր է նվազագույնի հասցնել տրանսպորտային ծախսերը, քանի որ այն առավել մատչելի է։
Բեռնափոխադրման նման տարբերակը շահավետ է նաև այն ընկերությունների համար, որոնք պետք է ապրանք ուղարկեն և խնդիր ունեն լրացնել փոխադրամիջոցի ամբողջ ծավալը։
Կան հավաքական բեռնափոխադրում իրականացնող բազմաթիվ ընկերություններ, որոնք հնարավորություն են տալիս հետևել ապրանքի բեռնափոխադրման ընթացքին, ստանալ տեղեկատվություն բեռի ընթացիկ կարգավիճակի վերաբերյալ։
Կարևոր է հիշել, որ հավաքական բեռնափոխադրման ընթացքում պետք է մեծ ուշադրություն դարձնել ապրանքի հուսալի փաթեթավմանը, որպեսզի ապրանքը պաշտպանվի վնասվելու հնարավոր ռիսկերից։
Brokers.am կայքը Ձեզ հնարավորություն է տալիս մեկ հարթակում գտնել բազմաթիվ միջազգային բեռնափոխադրող ընկերություններ, որոնք կիրականացնեն Ձեր բեռի փոխադրումը շահավետ, արագ և հուսալի։ Մենք դարձնում ենք բեռնափոխադրոմը արդյունավետ և խելացի։