Բեռի կարգավիճակին հետևելու առավելությունները- Դուք է՞լ եք արտասահմանյան հայտնի հարթակներից օն լայն գնումներ կատարելիս պարբերաբար հետևում, թե ուր է հասել Ձեր բեռը։
Հազիվ թե գտնվի մեկը, որ անտարբեր է, թե երբ կհասնի իր բեռը։ Բեռը փոքր ծանրոց է, թե թանկարժեք ու մեծ ծավալով ապրանք․ դրա ուշացումները կամ գտնվելու վայրի վերաբերյալ անորոշությունը անհանգստություն են պատճառում։
Նորագույն տեխնոլոգիաները փոխել են մեր կյանքը, անմասն չի մնացել նաև բեռնափոխադրման ոլորտը։ Այլևս կարիք չկա գուշակել կամ կանխատեսել, թե երբ կստանաք Ձեր բեռը։ Սպասման գործընթացը «մեղմացնելու» համար բեռնափոխադրող ընկերություններն իրենց աշխատանքում ներառել են տեխնոլոգիական անսահման հնարավորությունները։
Բեռնափոխադրող ընկերությունները միլիոնավոր գումարներ են ծախսում, որպեսզի պատվիրատուները կարողանան հետևել իրենց բեռի կարգավիճակին։ Օն լայն առևտրի հսկան՝ Ամազոնը, այս հնարավորությունների կիրառման առաջամարտիկներից է։
Բեռի կարգավիճակին հետևելու հնարավորության գլխավոր առավելությունը բեռի գտնվելու վայրը տեղորոշելն է՝ սկսած պահեստից դուրս գալուց մինչև նպատակակետ։ Այսպիսով՝ բեռի «ճանապարհորդության» պատմությունը դառնում է տեսանելի, իսկ հասնելու վերջնաժամկետը՝ կանխատեսելի։
Բեռի իրական կարգավիճակին հետևելու հնարավորություն են տալիս GPS համակարգերը։ Այս համակարգերի միջոցով մշտապես հնարավոր է հետևել բեռի անցնելիք ուղուն, կանգառներին, տեղափոխություններին։
Իսկ բացի GPS համակարգերից, հնարավոր է հետևել բեռի կարգավիճակին նաև արբանյակային ազդանշանների միջոցով։ Այսպես նպատակահարմար է հետևել ծովային բեռնափոխադրումների ընթացքին։
Բեռի կարգավիճակին հետևելու անհրաժեշտություն առաջանում է հատկապես ծովային բեռնափոխադրումների ժամանակ։ Ինչպես գիտենք ծովային բեռնափոխադրումներն առավել մատչելի են, բայց հնարավոր է տևեն շաբաթներ և անգամ ամիսներ։ Այս ամբողջ ընթացքում պատվիրատուներն ունենում են անհրաժեշտություն իրենց բեռի գտնվելու վայրը տեղորոշելու։
Իսկ եթե Ձեր բեռը առանձնահատուկ կարևորություն ունի կամ թանկարժեք է, դրան կարող եք հետևել Ձեր իսկ աչքերով։ Բեռի կարգավիճակին հետևելու հնարավորությունը թույլ է տալիս վերահսկել բեռի փոխադրման ընթացքը տեսախցիկների միջոցով։
Բեռի կարգավիճակին հետևելու հնարավորությունը թույլ է տալիս իմանալ բեռի ժամանման մոտավոր ժամանակը, ստանալ ծանուցումներ, տեղեկանալ ուշացումների և արտակարգ իրավիճակների մասին, օրինակ՝ եղանակային անբարենպաստ պայմանների։
Brokers.am կայքը Ձեզ հնարավորություն է տալիս մեկ հարթակում գտնել բազմաթիվ միջազգային բեռնափոխադրող ընկերություններ, որոնք կիրականացնեն Ձեր բեռի փոխադրումը շահավետ, արագ և հուսալի։ Մենք դարձնում ենք բեռնափոխադրումը արդյունավետ և խելացի։