Ցանկացած բեռ միջազգային մի ուղղությունից մյուսը տեղափոխելը պահանջում է մաքսազերծում:
Յուրաքանչյուր երկիր ունի մաքսազերծման իր օրենքները։ Արտահանող կամ ներմուծող ընկերությունները, տնտեսվարողները, անհատները, ինչպես նաև բեռնափոխադրող ընկերությունները, պետք է տեղեկացված լինեն մաքսազերծման օրենքների, պահանջվող փաստաթղթերի վերաբերյալ։
Մաքսազերծման գործընթացում կան բազմաթիվ փաստաթղթեր, որոնք պահանջվում և ստուգվում են մաքսակետերում։
Թե ինչ փաստաթղթեր պետք է ներկայացվեն բեռի մաքսազերծման համար, կախված է մաքսազերծման ենթակա ապրանքների տեսակից: Թեպետ մաքսային կանոններն ու օրենքները տարբերվում են ՝ կախված ծագման երկրից և վերջնական նպատակակետ երկրից,այնուամենայնիվ, կան որոշ հատուկ փաստաթղթեր, որոնք մաքսազերծման ընթացքում ընդհանուր են և արժե իմանալ դրանց մասին։
1. Նախահաշիվ(ProForma)- սա փաստաթուղթ է, որը տրամադրում է վաճառվող ապրանքի մանրամասները: Այն ստեղծվում է ըստ կողմերի համաձայնեցված պայմանների:
2. Մաքսային փաթեթավորման ցուցակ(Customs packing list)- Մաքսային փաթեթավորման ցուցակը նախատեսում է, որ փոխադրման մեջ ներառված ապրանքները կարող են ստուգվել նախահաշվով՝ ProForma-ով, շահագործման մեջ ներգրավված կողմերի կողմից։Այն ուղարկվում է միջազգային բեռի հետ և նաև մաքսազերծման համար տեղեկատվության աղբյուր է, թե ինչ է առաքվում:
3. Ծագման վկայագիր (COO Certificate)- Սա հայտարարագիր է այն մասին, որ առաքվող ապրանքները արտադրվում և վերամշակվում են նշված երկրում:
4. Մաքսային հաշիվ ապրանքագիր(Customs Invoice) - Սա պարտադիր փաստաթուղթ է արտահանման գործարքի համար: Մաքսազերծման ընթացքում կպահանջեն այս փաստաթուղթը,քանի որ այն պարունակում է տեղեկատվություն ապրանքների պատվերի, մանրամասների և նկարագրության, վաճառքի գնի, փաթեթավորման, քանակի,քաշի և այլնի մասին։
5. Բարձման տեղեկագիր(Bill of lading)- Սա փոխադրողի կողմից նկարագրված ապրանքների տեղափոխման պայմանագրի է: Այն նաև ունի արտադրանքի վերաբերյալ տեղեկություններ, ինչպիսիք են քանակը, տեսակը և նպատակակետը և այլն։
6. Արտահանման լիցենզիա(Export License)- Ներմուծման և արտահանման բիզնեսով զբաղվող ցանկացած ընկերություն պետք է ունենա արտահանման լիցենզիա, որը կտրամադրի մաքսազերծման համար։
7. Առողջության վկայագիր(Health Certificate)- սրանք տրամադրվում են այն դեպքում, երբ սննդամթերքը միջազգային առևտրի մաս է կազմում: Վկայագրում նշվում է, որ առաքման մեջ պարունակվող սնունդը համապատասխանում է անվտանգության բոլոր չափանիշներին։
Brokers.am կայքը Ձեզ հնարավորություն է տալիս մեկ հարթակում գտնել բազմաթիվ մաքսային բրոքերների, որոնք կիրականացնեն Ձեր բեռի մաքսազերծումը շահավետ, արագ և հուսալի։ Մենք դարձնում ենք մաքսազերծումը արդյունավետ և խելացի։